Përditësim #4 / Dhjetor 16, 2019

Në muajt e fundit i gjithë ekipi ka punuar fort për të planifikuar eventin tonë të parë. Jemi shumë krenarë për të gjithë pjestarët e ekipit, për punën e bërë nga secili prej nesh, veçanërisht në rrethanat që do përshkruhen më poshtë.

Tërmeti

Ne deshëm të ndihmonim natyrën të rikuperohej nga veprimtaria e papërgjegjshme e njerëzve, por natyra goditi me një tërmet me magnitudë 6.4 të shkallës Rihter, në Shqipërinë e mesme. Tërmeti mori me vete 51 jetë dhe la shumë familje pa shtëpi.

Tërmeti i fortë vuri në levizje një seri eventesh të cilat na bënë që të reflektonim mbi situatën, të përshateshim dhe të ndryshonim planet fillestare.

Në vend që të vazhdonim me planin e parashikuar, ekipi vendosi të vihej në dispozicion të njerëzve të prekur nga tërmeti.

Falë mbështetjes dhe mirëkuptimit nga partnerët, arritëm të ndihmonim shumë familje në Thumanë dhe Durrës. Ju bashkuam kishës Katolike për shperndarjen e ndihmave, në mënyrë që familjet që kishin nevoja më urgjente të merrnin ndihme sa më shpejt. Ngritëm disa çadra (tenda) për familjet që ishin nën qiell të hapur në oborret e shtëpive të rrënuara, gatuam vakte të ngrohta, shpërndamë çaj të ngrohtë si dhe ilaçe e batanije, të siguruara nga partnerët.

51 pemë

<div style="position: relative; padding-bottom: 56.25%; height: 0; overflow: hidden;">
  <iframe allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen="allowfullscreen" loading="eager" referrerpolicy="strict-origin-when-cross-origin" src="https://www.youtube.com/embed/bK7zrcXAf_o?autoplay=0&controls=1&end=0&loop=0&mute=0&start=0" style="position: absolute; top: 0; left: 0; width: 100%; height: 100%; border:0;" title="Trees for Lure: Planting 51 Trees in memoriam for the victims of 2019 earthquake"
  ></iframe>
</div>

Për fat të keq, arritëm në një pikë ku i shteruam furnizimet dhe burimet tona të disponueshme. Gjithashtu hasëm në disa pengesa organizative/koordinuese, si dhe në mungesë informacioni nga burimet zyrtare. Këto pengesa bënë që ndihma jonë në terren të komplikohej për një OJF të vogël si ne.

Por nuk hoqëm dorë dhe vendosëm të shkonim në Parkun Kombëtar të Lurë-Mali Dejës për të mbjellë 51 pemë, në kujtim të 51 viktimave nga tërmeti.

Shprehim ngushëllimet tona më të sinqerta!

Ç’pritet në vazhdim?

Për shkak të situatës, nuk arritëm të përmbushnim qëllimet tona për 2019, por jemi të bindur që kemi bërë zgjedhjen e duhur.

Detyrat dhe qëllimet vazhdojnë të jenë po të njejtat, ndaj po punojmë fort për të realizuar planet e vitit 2020. Kemi bërë disa takime produktive me partnerët dhe mbështetësit e projektit. Patëm mundësinë edhe të shikonim situatën nga afër për sa i përket transportit të fidanëve në Lurë. Gjithçka shërbeu për të qartësuar planet e organizimit per eventin e radhës.

Eventi i parë i vitit 2020 do të zhvillohet në periudhën fund marsi fillim prilli.

Në emër të gjithë ekipit,
Pavel