Përditësim #5 / Prill 21, 2020

Për shkak të COVID-19, nuk kemi zgjidhje tjetër veçse të anullojmë aktivitetin e pranverës për 2020. Dhe më e keqja është se nuk mund të fillojmë akoma të planifikojmë një aktivitet tjetër deri në momentin që kufizimet në Shqipëri të lehtësohen. Edhe ne, si të gjithë ju, po qëndrojmë në shtëpi deri në përfundim të karantinës.

Anullohet aktiviteti i pranverës 2020

Kishim planifikuar që aktiviteti jonë i parë në Parkun Kombëtar të zhvillohej këtë fundjavë, 17-20 Prill 2020. Ekipi ishte gati dhe në përfundim të planifikimit të detajeve të fundit për eventin. Po prisnim vetëm të ftonim të gjithë vullnetarët dhe të shikonim më në fund 2 000 fidanë duke u mbjellë në Lurë.

Për fat të keq, na u desh të anullonim eventin për shkak të kufizimeve të lëvizjeve në Shqipëri (sikurse edhe në vendet e tjera) si dhe për të shamngur totalisht grupimet e njerëzve. Për momentin, këto kufizime janë në fuqi pa një datë të caktuar ndërprerjeje.

Regjistrimi i organizatës jo-fitimprurëse

Nuk ka vetëm lajme të këqija! Kemi punuar shumë dhe kemi arritur të përfundojmë procesin e regjistrimit të Trees for Lurë në Gjykatën e Rrethit Tiranë dhe zyrtarisht njihemi si një organizatë jo-fitimprurëse.

Fakti që jemi të regjistruar si organizatë jo-fitimprurëse do na ndihmojë jo vetëm për çështjet e transparencës dhe taksave por gjithashtu edhe të mund të aplikojmë për grante lokale apo ndërkombëtare.

Agjensia Çeke për Zhvillim

Një tjetër lajm shumë i mirë që duam të ndajmë është se kemi punuar me Agjensinë Çeke për Zhvillim dhe kemi dorëzuar projektin Trees for Lurë.

Kaluam në fazën e dytë të përzgjedhjes. Projekti mori aprovimin dhe pëlqimin maksimal nga të gjithë anëtarët e jurisë, gjë që ishte shumë pozitive për ne. Por për fat të keq Agjensia na komunikoi që ka ezauruar fondet për sivjet dhe nuk ka buxhet të mjaftueshëm për iniciativën tonë.

Me rekomandim të Agensisë Çeke për Zhvillim, do të aplikojmë sërisht vitin që vjen.

Ç’pritet në vazhdim?

Për momentin duhet vetëm të presim që emergjenca e COVID-19 të kalojë dhe qeveria të heqë kufizimet e dekretuara së fundmi. Deri sa kjo të ndodhë nuk mund të fillojmë të planifikojmë evente te reja apo aktivitete në grup.

Të gjithë ne, gjithashtu edhe partnerët tanë, shpresojmë që karantina të përfundojë sa më shpejt në mënyrë që të fillojmë planifikimin e eventeve për vjeshtën 2020.

Ndërkohë po vazhdojmë të punojmë me aplikimin e projektit Trees for Lurë, të cilin do e dorëzojmë pranë Agjensisë Çeke për Zhvillim në Shtator 2020. Do të kemi një vendim zyrtar nga Agjensia deri në fund të vitit 2020.

Në emër të gjithë ekipit,
Pavel