Përditësim #6 / Maj 20, 2021

Pavarësisht shumë pengesave të këtyre dy viteve të fundit, të cilat përfshijnë tërmetin me magnitudë 6.4 dhe pandeminë globale COVID-19, ne jemi organizuar sërisht për të pregatitur tre aktivitetet e ardhshme, për të cilat jemi shumë të emocionuar.

Pranverë 2021, 28 - 30 maj

Aktivitetin e ardhshëm e kemi mbajtur pak të fshehtë (për të mbajtur syrin e keq larg) por duke konsideruar gjithë çfarë ka ndodhur pas nëntorit të 2019, mendojmë se kështu ishte më mirë.

Gjatë javëve të fundit kemi organizuar aktivitetin që do të zhvillohet fundjavën e ardhshme! Kemi 2 000 fidanë + 500 të tjerë të dhuruara nga Porsche Albania Sh.p.k. për t’i mbjellë në Lurë.

Do doja shumë të falenderoj të gjithë pjeshtarët e ekipit, veçanërisht donatorët, parnerët dhe vullnetarët, për durimin dhe besimin e tyre. Do jetë një kënaqësi e veçantë të postoj një përditësim nga Lura javën tjetër.

Mund të ndiqni aktivitetin tonë në Instagram dhe Facebook.

Vjeshtë 2021, shtator - tetor

Ndërsa fokusi aktualisht është në aktivitetin e javës që vjen, natyrisht ne kemi planifikuar edhe aktivitetet e vjeshtës 2021.

Do duhet të kthehemi në Lurë në shtator për të monitoruar dhe mirëmbajtur pemët që do mbjellim tani në maj. Synimi nuk është vetëm të mbjellim disa pemë dhe të largohemi. Është shumë e rëndësishme të verifikohet pas disa muajtsh se cilat pemë kanë mbijetuar dhe cilat kanë nevojë për pak ndihmë apo mbrojtje. Shtatori do të jetë gjithashtu ideal për të përgatitur zonën për mbjellje për në tetor.

Në tetor kemi planifikuar të realizojmë fazën e dytë të planit për vitin 2021 dhe synojmë të mbjellim edhe 2 500 pemë të tjera.

Kemi nevojë për ndihmë!

Për muajt shtator dhe tetor jemi në kërkim të donacioneve dhe partnerëve, kështu që nëse doni që të mbillni në emrin tuaj një pemë, dy ose edhe njëqind, konsideroni mundësinë për të dhuruar.

Gjithashtu mund të na bashkoheni në Lurë si vullnetar dhe të mbillni pemë vetë ose të na ndihmoni në shumë mënyra të tjera.

Ç’pritet në vazhdim?

Është ende herët për të bërë plane të mëdha, veçanërisht me situatën e COVID-19 ende të paqartë, kështu që do të doja vetëm të them se do të ishte një sukses i madh të arrijmë të organizojmë 3 aktivitete në Parkun Kombëtar të Lurë-Mali Dejës për këtë vit dhe të mund të përsërisim të njëjtën gjë në vitin 2022.

Nëse do të kemi sukses, ne do të sjellim 10 000 pemë përsëri në Parkun Kombëtar të Lurë-Mali Dejës.

Në emër të gjithë ekipit,
Pavel